Në mediat botërore shëndeti i aktorit Jamie Foxx është kthyer në kryefjalën e mediave rozë. Së fundmi, ka pasur disa raportime kontradiktore për gjendjen e tij shëndetësore, madje e fundit ishte që aktori ishte në gjendje të rëndë, aq sa familja po lutet.
Pas spekulimeve ka ardhur një reagim nga vajza e tij Corinne, e cila ka thyer heshtjen duke treguar sesi qëndron e vërteta. Ajo ka zbuluar se i ati ka disa javë që ka dalë nga spitali, ndërsa shprehu keqardhjen për mënyrën sesi mediat kanë interpertuar gjendjen shëndetësore të aktorit në publik.
“Përditësim nga familja: Është e trishtë të shoh se si po egërsojnë mediat. Babai im ka qenë jashtë spitalit për javë të tëra, duke u rikuperuar”, shkroi Corinne, në “instastory”.
Ajo falënderoi të gjithë për lutjet dhe mbështetjen e tyre.
Muajin e kaluar u publikua lajmi se aktori i “Django Unchained” ishte shtruar në spital me një sëmundje misterioze. Corinne zbuloi në atë kohë se ai u dërgua me urgjencë në spital për një komplikacion mjekësor.
