14-vjeçari shqiptar në Greqi humbi jetën pasi u rrëzua nga biçikleta, ndërsa përplasi kokën me një shkëmb. Për prindërit e vogëlushit drama bëhet akoma më e madhe, pasi duhet të përballen dhe me probleme dokumentacioni, ndërsa nuk iu lejohet që të hyjnë në Greqi.
Ky është një ndër problemet e shumta me të cilat përballen shqiptarët ndër vite, të detyruar të emigrojnë nga vendi i tyre. Fatmirësisht, ata s’po emigrojnë më drejt Greqisë por drejt shteteve të tjera ku s’kanë hasur kaq shumë problematika. Madje, çdo vit e më shumë, edhe vetë grekët po emigrojnë në Veri të Europës.
Dy prindërit janë përballur me vështirësi kur kanë vendosur që të rikthehen në punë, duke mos u lejuar që të hyjnë në territorin grek, pasi burrit i kishte mbaruar leja e qëndrimit.
Kryetari i komunës Kipseli në Agrinio, Stratos Iliadhis i ka bërë thirrje autoriteteve që të lejonte futjen e çiftit në Greqi, të cilët ndodhen prej 30 vitesh. Të gjithë banorët janë të indinjuar nga veprimi i policisë greke, ndërsa kërkojnë që ndaj çiftit të bëhet një përjashtim.
Gabrieli, humbi jetën duke lozur me biçikletë, pas një aksidenti tragjik kur përplasi kokën me një shkëmb, më 26 prill, ndërkohë që familja prej 20 vitesh jetonte në Greqi.
