Detaje të reja janë zbardhur nga ngjarja e rëndë që ka ndodhur në një shkollë në Beograd, ku një 14 vjeçar ka qëlluar me armë zjarri shokët dhe mësuesen në klasë.
Djaloshi vrau shtatë vajza dhe një djalë, si dhe rojen e sigurisë. Bilanci mund të përkeqësohet pasi thuhet se dy fëmijë janë në gjendje kritike në spital.
Sakaq një nxënëse e klasës ka pershkruar momentin e ngjarjes në një deklaratë së fundmi: “Ka filluar të qëllojë rastësisht. Kishte dy gëzhoja në dorë. Fillimisht ka qëlluar mësuesen e historisë dhe më pas është larguar. Vrau dy nga miqtë tanë. Unë isha u shtriva sipër tyre që ai të mendonte se kisha vdekur. Ai doli nga klasa, të shtënat dëgjoheshin ende. Kur u ngrita, e pashë që shokët kishin vdekur.”
Nga ana tjetër, 14 vjeçari, është identifikuar si Kosta K. Mësohet se nxënësi cilësohej i qetë dhe ishte shumë i mirë në mësime. Ai kishte marrë pjesë në shumë olimpiada.
Vitin e kaluar, Kosta kishte fituar edhe vendin e tretë në një garë në lëndën e historisë.
Autori i krimit u arrestua në oborrin e shkollës. Kur oficerët iu afruan, ai tha: “I qëllova sepse jam psikopat”.
