Po mungoi në ditën e saj më të lumtur, por ky detaj nuk e zbeh marrëdhënien e tyre. Po flasim për Sofia Richie-n dhe vëllain e saj Miles Richie-n. Ky i fundit nuk mundi të merrte pjesë në dasmën madhështore të motrës së tij dhe kaq mjaftoi që rrjeti të aludonte se diçka nuk shkon mes tyre.
Këto zëra i ka hedhur poshtë edhe një herë Miles duke publikuar një foto të çiftit të sapomartuar në Instagramin e tij me përshkrimin: “Absolutisht i fiksuar pas jush.”
Sofia e ripostoi foton në llogarinë e saj, duke shtuar: “Të dua më së shumti”.
Edhe pse Miles nuk ishte i pranishëm në ditën e madhe të motrës së tij, duket se ai kishte një arsye të fortë. Sipas TMZ, pak ditë para ceremonisë muzikanti filloi të ndihej jo mirë. Ai më pas bëri një test për COVID-19, i cili doli pozitiv.
