Projekti i Cristiano Ronaldo-s për të ndërtuar një hotel të ri luksoz në Paris është goditur nga një varg vonesash dhe mund të mos inaugurohet për katër vite të tjera.
Hoteli me katër yje i cili pritet të kushtojë 59.8 milionë euro, në bregun e majtë të lumit Seine pranë stacionit të trenit “Austerlitz”, fillimisht ishte menduar të hapej në vitin 2021.
Hoteli është planifikuar të ketë 210 dhoma, një bar në çati dhe një pishinë me pamje panoramike mbi kryeqytetin francez.
Ylli portugez luante ende për Juventus kur hotelit duhej të kishte përfunduar punimet dhe të ishte hapur. Që atëherë ai luajti edhe për Manchester United dhe tani po luan në Arabinë Saudite, por si duket hoteli i til luksoz do të hapet kur të dalë në pension.
Burime pranë futbollistit thanë se pandemia e COVID-19 dhe izolimi kishin qenë gjithashtu një faktor në vonesën e kryerjes së punimeve të hotelit.
Pasi të hapet përfundimisht, ky objekt do të bëhet i hoteli i parë i Cristiano-s në Francë dhe i gjashti në botë me partnerët e tij në Pestana Hotel Group, në pronësi të milionerit Dionisio Pestana dhe i themeluar nga babai i tij Manuel. Hoteli është pjesë e një projekti ambicioz të quajtur Austerlitz A7A8, i cili përfundimisht do të përfshijë një park biznesi dhe rezidencë studentore, si dhe dyqane dhe 2000 hapësira për biçikleta.
