Ermal Mamaqi, ka hapur zemrën dhe ka treguar diçka më shumë për fëmijërinë dhe jetën shkollore. Ai ka treguar momentin, kur pa dijeninë e prindërve e ka djegur vetë provimin për t’u futur në shkollën e mesme për ekonomik, pasi dëshira e tij e madhe ishte të ndiqte Liceun për kanto.
“Shkova në Ekonomik, e bëra testimin, i dija pyetjet dhe e bëra zero, domethënë i bëra gabim. Ngela vetë dhe këtë nuk e dinte asnjë njeri dhe nga ana tjetër, unë përgatitesha për Lice në kanto me hallën time që në atë kohë ka qenë këngëtare e famshme e muzikës klasike në Opera, Fitore Mamaqi. Ndërkohë bëra konkursin në Lice dhe fitova. E vendosa vetë fatin e jetës sime dhe aty filloi sepse e kuptova që unë dua të bëj artistin”
Mamaqi ka treguar se kujtimet e tij në lidhje me shkoëlln 8-vjeçare kanë qenë aspak të bukura. Ai kujton dhunën e vazhdueshme që merrte nga mësueset dhe sipas tij kjo ishte një torturë.
“Nuk kam kujtime të mira nga fëmijëria. Ka pasur një dhunë të përgjithshme. Ka qenë si një vello dhune, ku ti keqtrajtoheshe pa problem. Vetëm për faktin që je i vogël, dikush që ishte më i madh të rrihte, domethënë jemi rritur me këto frazat bjeri. Unë mbaj mend që ishte shumë kollaj të të rrihte mësuesja për çfarëdo lloj gjëje. Ka pasur forma të ndryshme torturash, ka qenë një vizore që të gjuanin me vizore…”
