Aktorja Rudina Dembacaj, e njohur për sensin e saj të humorit, ka ndarë sot me ndjekësit një zbulim të fundit që ka bërë.
Ajo ka ndarë në “instastory” foto të sajën dhe përkrah atë të futbollistit të njohur Lionel Messit. Të dy kanë realizuar fotosesione me valixhe “Louis Vuitton” në aeroport, por koha e realizimit është e ndryshme. Rudina i ka realizuar gati 1 vit më parë, ndërsa Messi para pak javësh.
”Kush e ka numrin e Messit? Mos të na kopjojë më, se na lodhi”- shkruan aktorja me humor.
E sikur mos të mjaftonte Messi, Rudina ka zbuluar se edhe Georgina ka pozuar njësoj si ajo, me valixhet e markës “LV”.
”Edhe Georgina??? Largohuni nga jeta ime, kaq kisha”
Epo duhet pranuar se ideja për fotot dhe objektet që promovohen janë në duart e fotografit dhe ekipit menaxhues, ndaj Rudina duhet të sqarohet me to fillimisht. (Sigurisht, nëse gjen kontakt).
