Siç dihet mëngjesi është vakti më i rëndësishëm i ditës. Për ta nisur mirë ditën, duhet të hani një vakt të shëndetshëm për të shmangur shtimin në peshë. Dieta dhe ushqimet janë mënyra më e mirë për të hequr qafe kilogramët që dëshironi. Megjithatë, shpesh kjo nuk mjafton pasi disa zakone të mëngjesit që ndiqni mund t’ju pengojnë të humbni peshë. Por cilat janë zakonet e mëngjesit që ju shëndoshin?
Gjumi i tepërt
Gjumi i tepërt, mbi nëntë orë, është një nga arsyet kryesore që ju nuk humbni peshë dhe madje mund të shtoni peshë. Gjumi gjatë ditës dihet gjithashtu se ka një efekt negativ në peshën tuaj. Kështu që përpiquni të keni një masë në oraret tuaja të gjumit.
Anashkalimi i mëngjesit
Kur zgjoheni dhe nuk hani mëngjes, metabolizmi juaj ndikohet dhe ora e brendshme e trupit gjithashtu mund të prishet. Kjo çon në një shans më të madh për të shtuar peshë. Përveç kësaj, anashkalimi i mëngjesit rrit urinë dhe në këtë mënyrë do të hani më shumë seç duhet në vaktet e tjera.
Nuk pini ujë të mjaftueshëm
Fillimi i ditës me një gotë ujë në temperaturën e dhomës është një zakon i mirë që do t’ju ndihmojë të përpiqeni të humbni peshë. Uji ndihmon në ruajtjen e ekuilibrit në trup dhe parandalon ngrënien e tepërt. Hidratimi gjithashtu ndihmon në djegien e kalorive dhe në tretje duke larguar toksinat.
