Ndoshta keni harruar kohën kur keni luajtur me balona, por fëmijët tuaj me siguri që jo.
Nëse ia keni blerë së fundmi fëmijës, a keni vrapuar së bashku me fijen e kapur pas dore nëpër lëndinat e gjelbërta? Nëse keni përgjigjen jo, atëherë pranvera është koha më e mirë për të shijuar këtë lodër të thjeshtë por të gëzueshme. Për më tepër, në piknik a shëtitjen e radhës tentoni të luani me balona.
Kuriozitete rreth balonave
Balona është një nga lodrat tipike popullore të Kinës, e cila është përhapur në të gjithë botën. Ekspertët e historisë bien dakord, se balona është shpikur 2800 vjet më parë në Kinë, vendi ku dhe janë gjetur materialet e përshtatshme për ndërtimin e tyre si: mëndafshi për velat, fijet e mëndafshit për të mbajtur balonën dhe druri i bambusë i cili është elastik dhe rezistent.
Në Kinë besohet se nëse lëshoni një të tillë mund të zhduken rrënjët e sëmundjeve.
Ndërsa, në mesjetë balonat janë përdorur për të matur distanca, shpejtësinë e erës, për komunikime ushtarake apo si sinjal për misione shpëtimi.
Me qindra shoqata dhe festivale janë krijuar në botë, nga të apasionuarit pas balonave.
Dita Botërore e Balonës është shpallur në Amerikë. ‘Muzeu Botëror i Balonave’ është i vetmi muze dedikuar artit, lojës, shkencës dhe historisë së balonave. Në të ka një koleksion prej 1.500 balonash nga 26 vende të botës.
