Getinjo dhe Vivien do të bëhen prindër së shpejti! Ky ka qenë lajmi që ka qarkulluar në media kohëve të fundit. Si fillim u tha që reperi dhe ish-banorja e “BBVK” ishin ndarë, por nuk vonoi shumë dhe thashethemet për një shtatzëni të mundshme të Vivit morën dhenë.
Së fundmi në lidhje me këtë çështje është pyetur edhe Mozzik, gjatë intervistës së tij për emisionin ‘’Unë dhe ti’’.
“A po bëhet vërtetë Getinjo baba?”-u pyet, Ziki i cili nuk hezitoi të përgjigjej.
‘’Pazha zotin s’e di, vallahi s’e di’’-tha ai duke zbuluar në fakt asgjë.
Kujtojmë se Getinjo disa ditë më parë rrëfeu përmes një statusi në rrjete sociale, ngarkesën që po përjeton së fundmi dhe nevojën për t’u shkëputur nga shumë gjëra.
“Përshëndetje njerëz të dashur, uroj që jeni mirë krejt. Unë do të largohem pak nga rrjetet sociale për arsye personale! Kam pak një fazë depresioni dhe më duhet të jem pak larg këtyre aplikacioneve! Ju dua. Qëndroni pozitivë”, shkruante Getinjo në Instastory.
Edhe Vivien po ashtu shprehu në Instastory nevojën e Getinjos për një pushim, duke kërkuar mirëkuptim nga ndjekësit. Kjo u mor si një krizë mes tyre por mesa duket nuk qeka kështu.
