Chris Brown ka shkaktuar sërish reagime me lëvizjet e tij provokuese në skenë, këtë herë kjo ndodhi teksa ishte në festivalin e muzikës Rolling Loud në Tajlandë. Këngëtari u pa duke imituar një akt seksual teksa këndonte këngën e tij ‘Under The Influence’, me një kërcimtare në krah të tij.
Paraqitja e fundit vjen vetëm disa javë pasi ai u bë sërish kryefjalë për një kërcim gjatë një performance live në Mançester, ku kapi për fyti yllin e ‘Love Island’ Natalia Zopa.
Incidenti tërhoqi zemërimin e fansave të tij në atë kohë, të cilët kritikuan Brown për historinë e tij të dhunës në familje dhe pyetën se përse Zopa pranoi të merrte pjesë në një paraqitje të tillë.
Në rrjetet sociale ka nisur një debat se si trajtohen personazhet e famshëm me histori të dhunës në familje. Ndërsa Brown është përballur me kritika për veprimet e tij në të kaluarën, ai vazhdon të jetë një artist i suksesshëm, me ndjekës besnikë dhe një varg hitesh nën emrin e tij.
