Taylor Swift është beqarja më e kërkuar në qytet!
Këngëtarja e “Anti-Hero” u pa teksa konsumonte darkë në New York City me mikun dhe bashkëpunëtorin e saj, Jack Antonoff dhe të fejuarën e tij, Margaret Qualley, vetëm disa ditë pas lajmit për ndarjen nga i dashuri Joe Alwyn.
Videot dhe fotot e shpërndara në mediat sociale tregojnë Swift-in duke buzëqeshur teksa doli për darkë me çiftin në restorantin Via Carota në qendër të Manhattan-it, vetëm disa blloqe larg rrugës Cornelia, e cila ishte frymëzim për një nga këngët e Swift-it në albumin e saj Lover.
Këngëtarja 33-vjeçare, e cila aktualisht është në turneun e saj “The Eras”, kishte veshur një bluze të zezë, me një palë xhinse me bel të lartë dhe taka të zeza. Ajo e shoqëroi veshjen me një çantë dore vezulluese dhe buzëkuqin e saj të kuq.
Fansat po spekulojnë se gjerdani që ajo është parë me varësen në shkronjën “J” që Alwyn i dha asaj. Kjo është hera e parë që Swift është parë në publik që kur u bë publike lajmi se ajo dhe Alwyn e kishin dhënë fund lidhjes pas gjashtë vitesh.
Sipas mediave të huaja, ndarja ishte miqësore dhe “nuk ishte dramatike”.
