Me uljet e ngritjet e shumta me njëri-tjetrin, Andi Artani dhe Gresa Hoti krijuan një lidhje dashurie brenda shtëpisë së “Big Brother VIP Kosova”, teksa dolën të dashuruar nga ajo shtëpi.
Mirëpo, a janë ende bashkë? Në një intervistë për “Prive”, modelja ka treguar se ata s’i ndahen njëri-tjetrit dhe po e shijojnë çdo moment.
Gresa e ka takuar familjen e Andit, ndërsa ky i fundit ende s’ka patur kontakte me familjen e saj, megjithatë kjo do të ndodhë shumë shpejt dhe modelja është e emocionuar.
Planet e të ardhmes për Gresën janë modelingu në New York, ndaj kjo do t’i lidhë akoma më shumë sepse familja e Andit jeton atje.
E pyetur nëse janë gati për hapa më të mëdhenj në lidhje, Gresa tregoi se po e lënë “të rrjedhë”, duke shijuar momentin, pa biseduar ende për të ardhmen e tyre.
