Nëse mendoni se njerëzit janë të mirë thjesht nga natyra, e keni gabim. Është një element karakteri që e bën të tillë që mund të kultivohet dhe zhvillohet, ashtu si çdo aftësi tjetër. Por çfarë është ajo që mund të na bëjë të pëlqyeshëm apo edhe të dashur?
Një hulumtim i “Harvard-it” zbuloi se në fakt një njëri të pëlqyeshëm nga masa nuk e bën mirësia, mbështetja apo humori. Të qenit i pëlqyeshëm bazohet mbi pyetjet që ju i bëni të tjerëve.
Duke u fokusuar në rolin e pyetjeve në përmirësimin e marrëdhënieve ndërpersonale, studiuesit monitoruan mijëra biseda fizike midis pjesëmarrësve, të cilët u prezantuan me njëri-tjetrin në internet ose personalisht për periudha të shkurtra kohore.
Ata i kërkuan gjysmës së pjesëmarrësve të bënin nëntë pyetje brenda pesëmbëdhjetë minutave dhe pjesës tjetër të bënin deri në katër pyetje në të njëjtën kohë. Në internet, ata që bënin shumë pyetje ishin më të pëlqyeshëm për partnerin e tyre.
Kur përpiqemi t’i lëmë përshtypje dikujt, ne priremi të flasim shumë për veten, gjë që mund ta bëjë personin tjetër të krijojë një përshtypje të parë të keqe. Hulumtimet tregojnë se ju i “fitoni” të tjerët duke treguar interes të vërtetë, duke i pyetur për jetën, mendimet dhe ndjenjat e tyre.
Ky hulumtim doli në përfundimin se të flasësh kryesisht për veten, pavarësisht nga arritjet dhe njohuritë e tua, nuk është strategjia më e mirë për të “fituar” mbi të tjerët.
