Të gjithë e njohim anën bujare të Angelina Jolie. Këtë radhë, aktorja ka shprehur mbështetje për të rinjtë në Iran, të cilët vazhdojnë të protestojnë në vendin e tyre, pas vdekjes së Mahsha Amini, e cila u vra nga policia në shtator të vitit të kaluar.
Aktorja hollivudiane me një postim në Instagram deklaron se është në krah të të rinjve që humbën shikimin nga dhuna e policisë, duke marrë pjesë në protestat në Iran. Në veçanti, ajo përdori një frazë të një gruaje të re, Elahe Tavokolian, e cila humbi njërin sy.
“Më lëndove sytë, por zemra ime ende po rreh”
Kështu shkruan fotoja e postuar nga Jolie, e cila më pas kishte të shoqëruar një imazh të vajzës në spital. Pas saj ajo ka postuar fotot e një djali, Zanier Tondro, i cili humbi të dy sytë në protesta.
“Mendoj për të rinjtë në Iran që kanë pësuar lëndime në sy sepse po protestonin kundër vrasjes së Mahsa Amini, si Elahe Tavokolian dhe Zanier Tondro. Shumë të mbijetuar kanë humbur shikimin në një ose të dy sytë. Është një kujtesë e çmimit që po paguajnë të rinjtë iranianë në luftën e tyre për të drejta dhe liri”, ka shkruar aktorja.
Shihni postimin:
View this post on Instagram
