Këngëtarja e njohur Katy Perry është kritikuar si ‘e vrazhdë dhe mospërfillëse’ nga fansat e American Idol pasi ylli akuzohet se ka turpëruar disa konkurentë gjatë shfaqjes.
Kjo vjen pasi konkurentja Sarah Beth Liebe u largua nga American Idol pas një debati që u ndez nga Katy. Shikuesit e akuzuan Katy-n se i trajtoi shumë ashpër konkurrentët, pasi ata e akuzuan atë si “përbuzëse”, shkruan ‘DailyMail‘.
Vërejtjet u thanë kur prezantuesi Ryan Seacrest u fut ‘live’ në Instagram për të ndarë pamjet nga prapaskenat e shfaqjes, por disa fansa u përgjigjën keq për sjelljen e Katy-t.
Njëri shkroi: ‘Katy është kaq e vrazhdë dhe e përbuzshme me konkurrentët”.
Po çfarë ndodhi?
Gjatë episodit të së martës , Katy u akuzua se ishte shumë e ashpër ndaj konkurrenteve Carina DeAngelo dhe Nutsa Abuza, të cilat u shfaqën me duetin e tyre.
Carina, 25 vjeç, nga Kailua, Hawaii, u mërzit gjatë provave kur partnerja e duetit Nutsa, 25 vjeç, nga Gjeorgjia, nuk donte të vazhdonte të praktikonte.
“Më lëndon ndjenjat kur dikush nuk e merr aq seriozisht sa unë”, tha Carina. Më pas ato debatuan dhe e diskutuan përballë jurisë.
Para se të performonin, dyshja u tha gjyqtarëve se kishin pasur konflikte dhe Katy kërkoi më shumë detaje mbi atë që kishte ndodhur.
Kur ata shpjeguan se çfarë kishte ndodhur, Katy tha: ‘Ndoshta duhet t’i lëmë të këndojnë’.
Po ashtu, Katy ka pasur edhe një episod që u përfol shumë pasi u tha se komentoi negativisht një nënë që u shfaq si konkurente.
