“I huj” titullohet bashkëpunimi që pritet të sjellë Tuna dhe Cozman. Që prej momentit të parë që u përfol për këtë “rikthim” të dyshes, ata kanë kanë rrëmbyer të gjithë vëmendjen në media.
Ndonëse kanë postuar një sekuencë të shkurtër në rrjetet e tyre sociale nga këngë e re ose kënga e “rikthimit”, akoma nuk kanë dhënë një datë se kur do të publikohet.
Mesa duket dyshja po merren me xhirimin e videoklipit. Pikërisht këtë e ka treguar vetë Tuna e cila ka ndarë me ndjekësit një “incident” që i ka ndodhur gjatë xhirimeve. Këngëtarja ka treguar ballin e saj i cili është i gjakosur. Sipas Tunës “fajtor” për këtë është mësyshi.
“Njerëzit ndahen, bashkohen, ndahen, bashkohen prapë…, jeta vazhdon”, kështu shprehej Tuna disa vite më parë gjatë një intervistë të zhvilluar pas ndarjes së bujshme me Cozman.
Përveç historisë së tyre shumë të komentuar të dashurisë, që mori fund disa vite më parë, dyshja sollën disa hite për publikun vite më parë.
Këngët si “Fenix” apo “Holla”, patën mjaft sukses, por që pasi Tuna dhe Cozman i dhanë fund lidhjes romantike, ata nuk sollën më asnjë projekt tjetër muzikor së bashku, deri tani sigurisht.
