Një foto që u bë virale gjithandej në internet ku shihet Papa i veshur me një pallto të madhe e të bardhë arriti t’i mashtronte të gjithë.
Kjo foto u montua nga intelegjenca artificiale artistike (AI). Së pari u shpërnda në ‘’Reddit’’, e më pastaj u bë virale në ‘’Twitter’’- njofton the Guardian.
Diçka që nuk vërehej të ishte një fotoshop. Duart dukeshin normale dhe reale – nëse një foto do të montohej me ndonjë aplikacion, do të ishte detaji i parë që do ta vinte në dukje mashtrimin. Por, si duket, aftësia e montimit të fotove nga ‘’AI’’ ka përparuar.
Deri tani janë bërë virale video qesharake të krijuara nga ‘’AI’’, si ato të Presidentit Biden dhe artistit Justin Bieber (dy ikona kulturore me rëndësi të njejtë), të cilat duken bindshëm të vërteta, por pa dyshim, dihej se nuk ishin, edhe pse të besuara nga një numër i madh njerëzish.
Gjeneratat më të vjetra kanë qenë gjithmonë preja më e madhe e këtyre mashtrimeve: fotove të montuara, komenteve ose çdo gjëje tjetër që dukej e besueshme në sy të parë, por, siç po shihet, erdhi dita që edhe ne të mashtrohemi shumë lehtë.
‘’Papa ‘’cool’’ me pallto të bardhë’’. Gjë që do të mbahet mend e diskutohet për një kohë të gjatë.
