Ylli i “Kardashians” Kendall Jenner dhe reperi portorikan Bad Bunny u fotografuan duke lënë festën e Beyoncé dhe Jay-Z për Oscar 2023 së bashku të dielën mbrëma, duke nxitur më tej thashethemet se ata janë përfshirë në një marrëdhënie romantike.
Është e paqartë nëse Jenner, 27 vjeç, dhe Bad Bunny, 29 vjeç, mbërritën së bashku, por ata u fotografuan duke u larguar nga darka me të njëjtin automjet në fund të mbrëmjes. Teksa modelja tentoi të mbulonte fytyrën me dorë për të shmangur paparacët, performuesi i “Party” dukej pak më i relaksuar pranë paparacëve.
Më herët në mbrëmje, Jenner mori pjesë në ceremoninë vjetore të Oscars të “Vanity Fair” së bashku me shoqen e saj Hailey Bieber dhe motrën Kylie Jenner.
Ajo u shfaq me të njëjtin fustan Jean Paul Gaultier që kishte veshur Marion Cotillard në shfaqjen e çmimeve të vitit 2008, ku ylli francez fitoi aktoren më të mirë për “La Vie en Rose”.
Kendall dhe Bad Bunny, emri i vërtetë i të cilit është Benito Antonio Martínez Ocasio, kanë qenë në qendër të thashethemeve për romancë që nga muaji i kaluar.
Çifti u pa për herë të parë për darkë në mes të shkurtit, megjithëse u siguruan që të largoheshin nga dalje të veçanta. Vetëm disa ditë më vonë, ish-i dashuri i yllit të “The Kardashian”, Devin Booker e hoqi atë nga Instagram-i, me fansat që besonin se romanca e saj e re me fituesin e Grammy-t e shtyu atë të bëjë këtë veprim. Kendall dhe lojtari i Phoenix Suns, 26 vjeç, kanë patur një lidhje që nga viti 2020, por u ndanë përgjithmonë në tetor 2022.
Kujtojmë se Kendall Jenner dhe Bad Bunny u panë duke u përqafuar dhe ndoshta edhe duke u puthur pas një takimi javën e kaluar. Atyre iu bashkua Kylie, 25 vjeç, dhe shoku i tyre i ngushtë Taco, emri i vërtetë i të cilit është Travis Bennett.
