Megan Fox hoqi unazën e saj të fejesës për një natë argëtimi mes dramës së marrëdhënies së saj me të fejuarin, Machine Gun Kelly.
Aktorja, 36 vjeçe, dukej e mahnitshme me dukjen e saj në festën e “Oscars” Vanity Fair. Megan mbante veshur një fustan të zi, kombinuar me një varse me gurë plot shkëlqim, e cila sërish nuk e zbehu mungesën e unazës që Kelly i dhuroi kur i propozoi në janar të vitit 2022.
Më herët vetë MGK, emri i vërtetë i së cilit është Colson Baker, tregoi se ajo unazë ka një punim të vecantë, të cilën nëse e heq të dhemb. Por, mesa duket Megan “as nuk ka pyetur” për atë dhimbje dhe nuk ndodhet më në gishtin e saj.
Burime për “PageSix” treguan se Fox, dukej se po argëtohej në festë, duke kënduar dhe pirë gjatë gjithë kohës.
Ajo po qëndronte pranë aktorit të “Black Adam”, Noah Centineo, vuri në dukje i njëjti burim.
Ylli i “Jennifer’s Body” ndezi thashethemet për ndarje nga rokeri në shkurt të këtij viti kur ajo publikoi një postim të fshehtë dhe fshiu të gjitha fotot e saj me muzikantin në mediat sociale. Ajo gjithashte hoqi nga Instagrami, Kelly-n.
Më vonë atë muaj, një burim i tha “PageSix” se Fox dhe MGK po përpiqeshin t’i zgjidhnin gjërat me ndihmën e terapisë së çifteve.
“Ata janë duke folur me një terapist çiftesh çdo ditë përmes Zoom. Megan mendon se ata duhet t’i përkushtohen terapisë përpara se të marrin ndonjë vendim të përhershëm.”
