Shawn Mendes dhe Sabrina Carpenter nxitën thashethemet për lidhje pasi u panë duke lënë së bashku festën e publikimit të albumit “Endless Summer Vacation” të Miley Cyrus.
Mendes u fotografua duke qëndruar në hyrje të dyqanit Guçi në Beverly Hills, Kaliforni, ku u mbajt ngjarja, ndërsa priste që Carpenter ta ndiqte jashtë. Dyshja më pas hipën në të njëjtën makinë dhe u larguan së bashku, sipas JustJared.
Këngëtari i “Treat You Better”, 24 vjeç, kishte një pije në dorë teksa kishte veshur një xhaketë kafe, një bluzë të bardhë dhe pantallona bezhë. Ndërkohë, këngëtarja e “Nonsense”, 23 vjeçe, shkëlqente me një mini fustan të zi prej kadifeje me detaje argjendi.
Mendes dhe Carpenter ndezën për herë të parë spekulime për marrëdhëniet në shkurt, kur llogaria e Instagramit Deuxmoi mori një informacion se dyshja dukeshin “shumë rehat” ndërsa “qartësisht ishin në një takim” në Horses në Los Angeles.
Një javë më vonë, ata u fotografuan së bashku në Los Angeles.
Mendes u përfol më parë se ishte në lidhje me 51-vjeçaren, Dr. Jocelyne Miranda, që nga vera e kaluar. Ai madje u pa duke shkuar pa këmishë në një shëtitje me të vetëm disa ditë para takimeve të tij publike me Carpenter.
Këngëtari i “Stitches” ishte më e herët në një lidhje me Camila Cabello. Ata u ndanë në nëntor 2021 pas dy vitesh së bashku.
“Hej djema, ne kemi vendosur t’i japim fund marrëdhënies sonë romantike, por dashuria jonë për njëri-tjetrin si njerëz është më e fortë se kurrë”, shkruanin bashkëpunëtorët e “Señorita” në një deklaratë të përbashkët në Instagram në atë kohë.
Ata shtuan: “jemi miqtë më të mirë. Ne e vlerësojmë shumë mbështetjen tuaj që nga fillimi dhe për të ecur përpara.”
:02
01:08
