Avantazhi që Kiara Tito mori nga ‘Big Brother VIP’ mbrëmjen e së martës u komentua shumë në rrjet, si një pabesi që iu bë asaj nga produksioni. Njerëzit nuk e pritën aspak mirë, duke e konsideruar si disavantazh për Kiarën. Mirëpo, Arbana Osmani ka treguar se familja e Kiarës nuk është ndjerë keq, madje ruajnë ende marrëdhënie të mirë.
Me rastin e 8 Marsit, tezja e Kiarës i ka dërguar Arbanës një buqetë me lule ku shkruan:
“E dashur Arbana, Gëzuar 8 Marsin! Nga tezja e Kiarës”.
Më pas, Arbana shkruan se është mirënjohëse ndaj të gjithë familjarëve të banorëve të shtëpisë, që arrijnë të kuptojnë stafin.
“Mirënjohëse të gjithë familjarëve të banorëve të cilët më mirë se askush tjetër dinë dhe kuptojnë përkushimin e stafit ndaj yjeve të programit”.
