Largimi i Shakirës nga Spanja, është përfolur që pa nisur procedurat e divorcit me saj dhe Gerard Pique-s.
Sipas gazetares Sandra Aladro në “El programa de Ana Rosa”, çfarë e ka penguar deri tani këngëtaren kolumbiane të largohet nga Spanja është gjendja jo e mirë shëndetësore e babait të saj.
Ajo që po bëhet shumë e qartë është se si Pique ashtu edhe familja e tij tani duan që Shakira të largohet nga shteti sa më shpejt të jetë e mundur, me toksicitetin mes dyshes që po del jashtë kontrollit.
“Ata e kanë vendosur, e kanë të qartë se kjo do të ndodhë dhe ata kanë kapacitetin të udhëtojnë në Miami për të parë fëmijët,” shpjegoi Aladro.
Më tej, gazetarja ka konfirmuar se situata mes ish-çiftit është ende shumë e tensionuar dhe po rezulton të jetë e dëmshme për fëmijët që kanë së bashku.
“Tensioni është i tillë që ata besojnë se ilaçi më i mirë është që sa më shpejt të ndodhë lëvizja, aq më mirë për të gjithë… tani fëmijët janë në një situatë shumë të keqe,” vazhdoi ajo.
“Atyre do t’u mungojnë Milani dhe Sasha, por situata është e paqëndrueshme. Të gjithë e dinë këtë.”
Sipas ‘El Periodico’, zhvendosja e Shakirës në Miami është e afërt, gjë që do të jetë një lehtësim i madh për familjen Pique.
“Këngëtarja planifikon të transferohet në qytetin amerikan më 1 prill për të përfituar nga pushimet shkollore që kanë studentët amerikanë gjatë atyre javëve”, shkruan gazeta.
