Situata e një dite më parë midis Kiarës dhe Luizit, e cila solli një debat shumë të madh është diskutuar edhe mbrëmjen e sotme në “Prime”.
E para që shprehu ndjesitë e saj rreth asaj që e konsideroi dhunë nga ana e Luizit ishte Kiara.
“Për momentin jam e mpirë. Nuk kanë qenë ditë të lehta edhe për marrëdhënien që kam me Luizin. Ne para se të ndodhte misioni patëm një diskutim të bukur, folëm për mungesën e diskutimit mes njëri-tjetrit. Folëm si t’i rrimë afër njëri-tjetrit. Fill të nesërmen ndodh kjo. Mu duk sikur më vuri një derë, këtu kalon këtu nuk kalon.
Mu duk sikur më zuri hapësirën. Luizi dhe Armaldo e panë që nuk po rrija më gjatë. Sikur nuk po dilja dot që aty. Dhe prandaj shpërtheva në të qarë sepse ata nuk po më kuptonin. Për hir të lojës, çunat (Luizi dhe Armaldo) nuk e bëjnë diferencën midis emocioneve dhe lojës. E kam të vështirë të shprehem se e dua Luizin dhe nuk dua të akuzoj njeri,”-u shpreh Kiara.
Edhe Luizi vetë kishte diçka për të thënë, duke u shprehur edhe njëherë se ajo që bëri nuk ishte aspak dhunë.
“Vendosa mos me i lënë me fituar. Sa i përket Kiarës, ajo duhet të më kuptonte. Ne kemi hyrë shpesh aty te lavamanët. Nuk ka qenë i ekzagjëruar reagimi, por dëshira për të fituar. Nuk jemi bashkë në lojë, por në jetë. Aq sa u djersit kjo u djersita unë. Nuk do ta lija kurrë t’i ndodhte gjë e keqe. Nuk ka pasur ekzagjerim. Në lidhje me rastin në fjalë kemi folur, i kam pranuar gabimet e mia. Pse e bëni kaq të madhe? Ku ishte dhuna?”-shtoi këngëtari.
Në këtë bisedë u përfshinë edhe banorët e tjerë duke dhënë mendimin e tyre.
Dea: E vlerësoj Kiarën që po e menaxhon këtë situatë. Ajo që bëri Luizi nuk është ok. Sepse për hir të një loje nuk mund të kufizosh dikë me forcë fizike për t’i treguar se ti do të bësh çfarë dua unë. Luizi nuk e ka bërë me qëllim. Dua t’i them Kiarës që kur Luizi më kërcënonte mua, ti thoje mos e ekzagjero.
Nita: Nuk është hera e parë që Luizi e tejkalon lojën. Kjo është shqetësuese, por më shqetësuese është heshtja e banorëve të tjerë, kryesisht Kristit.
Eva: Luizi është një lojtar ekstrem. Luizi vërtetë nuk e kuptoi gjendjen e Kiarës. Nëse Luizi kërkon falje, ajo duhet ta falë.
Olta: Kiara në këtë situatë më ka mahnitur. Është shumë koherente, ka vepruar shumë fisnike. Loja e Luizit nuk ka limit. Ne jetojmë në një shoqëri maskiliste. Akoma mendojmë që kush të rreh të do.
Ermiona: Luizi mbase nuk ka kuptuar që Kiara ka lojën e saj. Kam shumë orë që jam e ngarkuar. Jo vetëm që jetojmë në një botë burrash, por kur shikon këto të dy thua sa e trishtë. Shumë dëm i bën edhe femra-femrës.
Keisi: Më e bukura do të ishte që Luizi të kërkonte një falje.
Sigurisht edhe opinionistët Zhaklina dhe Arbëri shprehën opinionet e tyre.
Arbër: Ishte skenë që më krijoi një gjendje jo të mirë. Ku janë limitet për këtë lojë. Nëse banorët nuk kanë limite, po thyejnë të gjitha rregullat nuk kam më as çfarë të komentoj.
Zhaklina: Përgëzoj Kiarën. U rikujtua të vendosë kufijë në marrëdhënien e saj. Më duket sikur je aq e ngarkuar sa ke filluar të dyshosh tek vetja. Deri tani ke një reagim shumë të duhur. Nuk je kukulla e askujt. Kjo duhet të të bëj të reflektosh. Të lutem jepi një mesazh vajzave shqiptare. Unë nuk flas vetëm për Kiarën, por për të gjitha vajzat.
