Princi William dhe Kate Middleton treguan anën e tyre sportive në një vizitë të fundit në Wales. Çifti ishin atje për të festuar festën kombëtare të vendit, Ditën e Shën Davidit.
Gjatë kësaj vizite, çifti mbretëror përfundoi duke marrë pjesë në një klasë spinning. Ata nuk ishin të veshur tamam për këtë rast sportiv. Princi i Wales-it mbante veshur një kostum, ndërsa gruaja e tij ishte e veshur me një fund. Për më tepër, Kate mbante veshur taka të larta!
Veshjet dhe këpucët larg idealit nuk i ndaluan ata! Dyshja dinamike e përqafoi sfidën me entuziazëm dhe të dy pedaluan sa më shpejtë të ishte e mundur.
Përpjekjet e Princit dhe Princeshës së Wales-it u duartrokitën nga të gjithë të pranishmit dhe pati një brohoritje tepër të madhe kur u zbulua se Kate në të vërtetë kishte arritur ta mundte bashkëshortin e saj në këtë lojë.
Kate është e njohur për faktin se nuk i shmanget një sfide. Princesha mahniti fansat mbretërorë pasi luajti volejboll me taka të larta vetëm tre muaj pas lindjes së djalit të saj, princit George.
Kujtojmë që William dhe Kate e fituan titullin Princi dhe Princesha e Wales-it pasi mbretëria kaloi në duart e Mbretit Charles III.
