Lionel Messi është rikthyer në krye të çmimeve të para të futbollit pasi mposhti dyshen franceze Karim Benzema dhe Kylian Mbappe, duke fituar çmimin e lojtarit më të mirë në botë.
Messi, fitues i shtatë Topave të Artë, fitoi titullin e tij të dytë “The Best Player in the World”, i pari që nga viti 2019, pasi u vlerësua për kontributin e tij me Argjentinën në Kupën e Botës.
35-vjeçari udhëhoqi Argjentinën drejt titullit të Kupës së Botës, duke shënuar shtatë gola dhe duke u bërë lojtari i parë që shënon në çdo ndeshje në këtë kompeticion.
Messi pranoi se vlerësimi personal përfundoi atë që kishte qenë një vit “i jashtëzakonshëm” suksesi për të dhe kolegët e tij të klubit dhe vendit.
Ndërsa mbante çmimin e tij, Messi deklaroi: “Uau, është e mahnitshme. Ka qenë një vit i jashtëzakonshëm dhe është një nder për mua të jem këtu sonte dhe të fitoj këtë çmim. Pa shokët e skuadrës nuk do të isha këtu. Arrita ëndrrën që kisha pritur për kaq shumë kohë. Shumë pak njerëz mund ta arrijnë këtë dhe unë kam qenë me fat ta bëj këtë”.
Ndërkohë portieri i Aston Villas dhe kombëtares së Argjentinës, Emiliano Martinez, fitoi çmimin e portierit më të mirë të FIFA-s.
Martinez mundi Yassine Bounou të Marokut dhe Thibaut Courtois të Belgjikës për çmimin dhe falënderoi përpjekjet e prindërve të tij për ta ndihmuar atë të arrinte në krye.
“Gjithmonë më pyesin se kush janë idhujt e mi apo kë kam shikuar kur isha fëmijë…Të shikoj nënën time të pastronte ndërtesat për 9 orë dhe të shikoja babin duke punuar. Ata janë idhujt e mi”, tha Martinez.
Çmimet e femrave u kapitalizuan me njohjen e Alexia Putellas si lojtarja më e mirë femër në botë, pasi spanjollja fitoi titullin e dytë radhazi në këtë ngjarje.
Treshja e titujve të Argjentinës u plotësua nga Lionel Scaloni duke u njohur si trajneri ‘më i mirë’ pasi ai kryesoi në sondazhe përpara Pep Guardiola të Manchester City-t dhe trajnerit fitues të Ligës së Kampionëve të Real Madridit, Carlo Ancelotti-t.
Çmimet e plota:
Lojtari më i mirë i meshkujve: Lionel Messi (PSG dhe Argjentinë)
Lojtarja më e mirë e femrave: Alexia Putellas (Barcelona dhe Spanjë)
Trajneri më i mirë i meshkujve: Lionel Scaloni (Argjentinë)
Trajnerja më e mirë e femrave: Sarina Wiegman (Angli)
Portieri më i mirë për meshkuj: Emiliano Martine (Aston Villa dhe Argjentinë)
Portierja më i mirë për femra: Mary Earps (Man Utd dhe Angli)
Çmimi Puskas: Marcin Oleksy (WARTA POZNAN – Stal Rzeszow)
Çmimi i tifozëve: Tifozët e Argjentinës
Çmimi Fair Play: Luka Lochoshvili (Wolfsburg)
