Lajmi se Sin Boy kishte ndërruar jetë, bëri xhiron e rrjetit disa ditë më parë. Ishte vetë llogaria zyrtare e reperit në Instagram, që e nxorri një lajm të tillë.
Disa e morën si të mirqenë, por nuk vonoi shumë që të kuptohej se e gjitha ishte një formë marketing nga ana e tij.
Pra, Sin Boy inskenoi vdekjen e tij, për të tërhequr sa më shumë audiencë për këngën që lançoi më pas.
Mirëpo se fundmi disa burime për “Prive” kanë pohuar edhe një herë se artisti jo vetëm që është shëndoshë e mirë, por është rikthyer me partneren e tij me të cilën disa muaj më parë u nda, Rina Balajn.
Sipas “Prive” Sin Boy gjithë këtë periudhë po e kalon duke bërë udhëtime nëpër Europë me Rinën.
Pak kohë më parë ishte vetë reperja Rina Balaj që e konfirmoi ndarjen e saj nga Sin Boy, pas një lidhjeje disavjeçare. Më herët artistja foli në një intervistë në lidhje me arsyet e ndarjes.
Rina ishte e ftuar në rubrikën “50 pyetje” në “Prive”, ku mes të tjerash ajo zbuloi se dy nga arsyet e ndarjes nga reperi kanë qenë fakti se lidhja ishte bërë toksike dhe distanca.
“Gjithçka ka ndodhur si duhej të ndodhte. Nuk ishte e shpejt apo e papritur.”– tha ajo shkurt, duke këmbëngulur se nuk është një ndarje për marketing, pra me qenë në qendër të vëmendjes.
