Rihanna do të performojë këngën e nominuar për “Oscar”, “Lift Me Up”, nga “Black Panther: Wakanda Forever” në ceremoninë e 95-të të Çmimeve “Oscar.”
Lajmi është bërë i ditur nga producentët ekzekutivë dhe drejtuesit e shfaqjes Glenn Weiss dhe Ricky Kirshner. “Lift Me Up”, me muzikë nga Tems, Rihanna, Ryan Coogler dhe Ludwig Goransson dhe tekst nga Tems dhe Ryan Coogler, është nominuar në kategorinë “këngë origjinale”. Ky është nominimi i parë i Rihanna-s për “Oscar”.
Rihanna, e cila nuk ka publikuar një album të ri që viti 2016, kryesoi shfaqjen e Super Bowl në fillim të këtij muaji – megjithëse performanca e saj muzikore u “la në hije” disi nga fakti që ajo zbuloi se ishte shtatzënë disa muajshe me fëmijën e saj të dytë. Rihanna tha asgjë konkrete gjatë shfaqjes, por ishte dukshëm shtatzënë dhe përfaqësuesit e konfirmuan lajmin për “Variety” menjëherë pas performancës.
Ndërsa shumë aktorë dhe të famshëm kanë paraqitur ose pranuar çmime në Oscar gjatë shtatzënisë, Catherine Zeta-Jones është i vetmi emër tjetër që performoi një numër muzikor në “Academy Awards” gjatë shtatzënisë. Jones ishte tetë muajshe shtatzënë kur performoi “I Move On” nga “Chicago” në Oscars 2003 me Queen Latifah. Jones fitoi Oscar për aktoren më të mirë dytësore atë vit dhe ajo lindi vajzën e saj Carys vetëm disa javë më vonë.
Ceremonia e 95-të Oscar do të mbahet të dielën, më 12 mars në Teatrin Dolby në Ovation Hollywood.
