Një tjetër dramë është krijuar në internet, por kësaj here protagonistet kanë reaguar, për të mos lënë vend për asnjë dyshim. Ka qenë Kylie Jenner, ajo e cila ka reaguar pas spekulimeve se ajo dhe Hailey Bieber janë tallur me Selena Gomez.
Bieber dhe Jenner morën vëmendje të martën kur Kylie postoi një screenshot nga një telefonatë në FaceTime me Hailey duke ngritur vetullat e tyre. Postimi erdhi disa orë pasi Gomez u tha ndjekësve të saj në TikTok se ajo “i leu shumë vetullat”. Ajo shtoi: “Do të doja të isha po aq e bukur sa Bella Hadid“. Përdoruesit e TikTok-ut, akuzuan Bieber dhe Jenner se po talleshin me videon e Gomez me postimin e tyre.
Ylli i “Kardashians”, reagopi përmes një komenti në rrjetin social, ku i quajti thashethemet “budallallëqe”.“Asnjë gjë ndaj Selenës dhe nuk e pashë postimin e saj. Ju djema po krijoni diçka nga asgjëja”, shkroi Jenner. Gomez, “u pajtua” me të në një koment të sajin.
“Është e gjitha e panevojshme”, ka shkruar aktorja. “Unë jam një fanse e Kylie!”
Hailey Bieber, nga ana e saj, nuk e ka reaguar lidhur me situatën.
Hailey, e cila është e martuar me ish-in e Gomez-it, Justin Bieber, hodhi poshtë thashethemet për grindje në shtator 2022, duke u thënë në “Call Her Daddy” se ajo dhe Selena kanë vetëm “respekt” dhe “dashuri” për njëra-tjetrën.
Muajin pasardhës, fotot e dyshes duke pozuar së bashku në një mbrëmje gala u bënë virale. Gomez foli për fotografitë për Vulture në tetor 2022, duke thënë se ato nuk ishin një “gjë e madhe” dhe se sherri mes tyre nuk ka ekzistuar ndonjëherë. Megjithatë, në fillim të këtij muaji, fansat akuzuan Hailey-n se kishte ironizuar Gomez për peshën në një video të fshirë të TikTok me Kendall Jenner – por ajo mohoi këtë.
Gomez gjithashtu u përgjigj, duke u thënë fansave të saj që të mos shqetësoheshin sepse ajo “nuk i lejon këto gjëra ta shkatërrojnë atë”.
