iPhone do të ketë këllëfin e vet personal Louis Vuitton. Firma e njohur franceze ka menduar edhe për smartfonët tuaj.
Në ditën e fundit të Javës së Modës në Paris, Nicolas Ghesquiere prezantoi koleksionin e Louis Vuitton, Pranverë 2017 dhe në vend të çantave, si aksesorë shoqërues të veshjeve kishte përdorur një mbajtëse telefoni që tërhoqi vëmendjen e të gjithëve.
Dizajnuesi e ktheu çantën e vogël Louis Vuitton në një këllëf që do të shërbejë si aksesor për telefonin tuaj.
Përpara se të niste shfaqja, Ghesquiere prezantoi përmes “Instagramit” disa këllëfë me logon e Louis Vuitton. Por në pasarelë u prezantuan një sërë modelesh të tjera të veçanta dhe ngjyrash, si blu e errët dhe ngjyra e arit.
Burimi: Harpers Bazaar
