Ditën e sotme, Luiz Ejlli dhe Bjordi Mezini kanë qëndruar shumë në shoqërinë e njëri-tjetrit, duke shkëmbyer biseda të ndryshme. Së fundmi teksa kanë qenë duke qëndruar në oborr, këngëtari është shprehur se ka ardhur koha të merret pak me shumë me Kristin.
Sigurisht në aspektin e lojës, pasi tashmë situata sa vjen e nxehet. “Kristi rehat është derisa të merrem me të,”-është shprehur Luizi ndër të tjera.
View this post on Instagram
Po gjatë ditës së sotme, Luizi e ka konsideruar Krist Aliajn një nga finalistët e “Big Brother Vip”.
Gjatë një bisede me Bjordin në “Big Brother Vip”, këngëtari Luiz Ejlli ka folur edhe për humbjen e të atit dy vite më parë.
Luizi tregoi se e ka humbur të atin në natën e Krishtlindjeve, madje kishte folur në telefon me të disa orë para se të merrte lajmin e trishtë.
“Para dy viteve, natën e Krishtlindjeve. Natën që hyra këtu ishte dy-vjetori. Shyqyr që iku pa vuajtje. Ishim shumë të lidhur. Atë natë më ka marrë 4 orë para për të më uruar Krishtlindjet”– tha Luizi.
Më tej Luizi tregon se si ka ndërruar jetë babai i tij, teksa rrëfen që e vetmja gjë që i mbetet merak është fakti se nuk ka qenë aty pranë tij në momentet e fundit.
