Ish-partneria e tij Kejsi ka qenë tema kryesore e bisedimeve të Stresit në “Big Brother Vip Albania”.
Arkimed Lusha përpos mesazheve të shumta për ribashkim që i ka dërguar ish-partneres nga brenda, një moment ka rrëfyer edhe një sëmundje të rrallë nga e cila Kejsi vuan. Ai tregoi se Kejsi vuan nga dy tumore.
“Tumor edhe një kist i ka të dy, ngjitur njëri-tjetrit,”-u shpreh tekstualisht aso kohe reperi. Vetë Kejsi deri më tani nuk ka folur kurrë për sëmundjet e saj dhe kaq ka mjaftuar që mes komentuesve të “Big Brother Vip Kosova” të mendohet se e gjitha kjo është një strategji nga ana e Stresit.
Bukuroshja brune aktualisht jeton dhe punon ne Kanada ku nga rrjetet sociale duket se është shumë e lumtur. Një postim i saj i fundit tërhoqi vëmendjen e fansave.
“S’kam kohë për urrejtje dhe energji të keqe, e kam mendjen tek paratë”, shkruante Kejsi krahas një fotoje në palestër, duke lënë të kuptohet se nuk i intereson aspak çfarë flitet për të dhe nuk po i pengon aspak.
Kujtojmë që Stresi habiti jo pak mbrëmjen e djeshme kur kërkoi papritur të dilte nga “Big Brother VIP Kosova”. Ai insistonte se donte të largohet madje duke shkelmuar edhe dyert.
Gjithsesi, më vonë u qetësua dhe vendosi të qëndrojë. Duke folur me banorët ai tha se kishte një bllokim emocional dhe psikologjik, por gjithsesi vendosi të qëndrojë.
