Kejvina Kthella gati “ktheu përmbys” shtëpinë e “Big Brother Vip Albania” mbrëmjen e djeshme gjatë “prime-it” pasi pretendonte se Luizi e kishte fyer rëndë.
Dhe çfarë po bën ajo nga ai moment? Po vazhdon ta fyej në çdo situatë dhe para gjithë banorëve. Së fundmi teksa ndodheshin në oborr, ndërsa Luizi po fliste ajo po bërtiste mbi fjalën e tij, duke e etiketuar me fjalët “mashtrues”, “nuk lahesh” etj.
View this post on Instagram
Është dakort të ndihesh i/e ofenduar nga një koment i dikujt tjetër dhe të mërzitesh, por nuk është aspak e drejtë që të vazhdosh ta ofendosh akoma dhe më shumë personin që supozohet që të ka bërë padrejtësi.
Në këtë rast kur Kejvina po e ofendon me fjalët më të ulëta Luizin, ku donte të dilte mbrëmjen e djeshme kur po qante se ai e kishte ofenduar? A nuk po bën ajo të njëjtën gjë, madje më keq?
Edhe mbrëmjen e djeshme, Kejvina po sulmonte këngëtarin për mënyrën se si ai i drejtohet banorëve të tjerë.
Por, debati i ashpër nisi nga një ofendim i Kejvinës për Luizin, e cila iu drejtua duke i thënë që “e vetmja gjë e bukur që ka është kostumi”, për të vijuar më tej me një përgjigje nga ai dhe më pas ofendime nga Kejvina.
Në një moment Kejvina arriti deri në atë pikë sa i përmendi Luizit babain, i cili nuk jeton më. Banorja e “BBV” i drejtohet më shumë se një herë Luizit me fjalët: “Unë e kam në jetë babain zemra, e kam ende gjallë.”
Luizi vendosi të mos i përgjigjet Kejvinës për këtë deklaratë që kalon çdo kufi , ndërsa banorët e tjerë ishin të shpejtë për ta “justifikuar” dhe mbështetur modelen sepse “ishte shumë e nxehur.” Ofendimet nuk mbaruan me kaq, pasi Kejvina vijoi duke iu drejtuar Luizit për sëmundjen, e quajti “të pisët”, “copë mishi me dy sy” dhe njeri që “nuk meriton të marrë frymë.”
