Dafina Zeqiri dhe Era Istrefi janë vetëshpallur armike të njëra-tjetrës. Era akuzon Dafinën se e kopjon, nga ana tjetër edhe Dafina thotë të njëjtën gjë.
Së fundmi Zeqiri ka qenë e ftuar në një intervistë në Kosovë, ku moderatori e ka ngacmuar në lidhje me “çështjen” e nxehtë të kopjimit.
Dafina i është përgjigjur me ironi me një frazë që Era Istrefi dikur e ka thënë në emisionin e vëllezërve Veshaj. “Diku po do me dal,”-thotë Dafi duke iu përgjigjur me fjalët e vetë Erës, pyetjes së tërthortë nëse “inspirohet” nga Istrefi siç ajo pretendon.
@shqipforyou Deri n’fund shikone qe me kuptu. Kur e cek international Duffye del prej kontrolles👀☕️ #dafinazeqiri #dafinators #eraistrefi #noraistrefi #robertberisha #djgeek #noizy #tayna #eraistrefibebe #fyp #foryou #buta ♬ original sound – shqipforyou
Më herët Era Istrefi lançoi bashkëpunimin e saj me reperin, Buta. Kënga quhet “5 AM”, dhe fansat menjëherë sapo u publikua kënga identifikuan disa rreshta të saj që i dedikohen Dafina Zeqirit.
“kudo që shkoj më ndjekin,
çka do që bëj e vjedhin,
muzikën sillet swagi”
Këto janë rreshtat që Era ia këndon Dafina Zeqirit, duke risjellë në vëmendje edhe një herë sherret e tyre për kopjim të stilit të flokëve, rrobave apo edhe aksesorëve.
Mirëpo, teksa Era krenohej se e vjedhin dhe e kopjojnë të gjithë, fansat e nxorrën zbuluar duke treguar se kënga e saj ishte e kopjuar.
Më saktë, vija melodike e “5 AM” në bashkëpunim me Butën ishte e njejta si e këngëtares turke Alizade, në këngën e saj të publikuar më parë, e cila titullohet “Beynimi Siktin”.
