Princi Harry ka pranuar se ishte një ‘gabim’ i madh të shikoje skenat e seksit të bashkëshortes së tij, Meghan Markle në serialin “Suits” kur ata filluan të takoheshin për herë të parë.
Në biografinë e tij të re “Spare”, e cila aksidentalisht doli në shitje në Spanjë dje, Duka i Sussex zbuloi se ai kishte kërkuar në Google skenat e dashurisë së të dashurës së tij dhe ishte penduar që e bëri këtë.
Në ditët e para të lidhjes së tyre, Harry tha se bëri ‘gabimin’ duke kërkuar në internet skenat e seksit të Meghan-it dhe bëri shaka se ai kishte nevojë për “terapi me elektroshok” për të djegur imazhet nga truri i tij.
“Spare”, libri i shkruar nga Princi Harry, i cili do të jetë i disponueshën në SHBA nga 10 janari, që tani ka shokuar me çfarë gjendet në të.
Shumë të vërteta mbi Harry-n apo marrëdhënien e tij me anëtarët e familjes mbretërore pritet të gjenden në përbërjen e tij. Së fundmi në kujtimet e tij tronditëse për “Spare” është zbuluar dëshmia e Dukës së Sussex-it ku pranon se ka qenë përdorues i lëndëve narkotike gjatë adoleshencës së tij.
Kur Harry ishte 17 vjeç, Mbreti Charles III u etiketua nga gazetat britanike në atë kohë si “babai i paaftë” pasi djali i tij kishte rënë pre e drograve.
Në librin e tij, Harry pretendon se droga në atë kohë i sigurohej fillimisht “në shtëpinë e dikujt në fshat”, ku ai shkonte gjatë fundjavave.
“Më ishte ofruar një linjë dhe kisha bërë disa të tjera që atëherë,” shpjegon Harry. “Nuk ishte shumë argëtuese dhe nuk më bëri veçanërisht të lumtur”.
“Por kjo më bëri të ndihem ndryshe, dhe ky ishte qëllimi kryesor”, shtoi ai.
Në autobiografinë e tij të shumëpritur , “Spare” Harry ka zbuluar një sulm fizik nga vëllai i tij, William, tani Princi i Uellsit, pasi marrëdhënia e tyre u shpërbë për shkak të martesës së princit më të ri me aktoren Meghan Markle.
