Një fragment në prezantimin e Cristiano Ronaldos me klubin “Al Nassr” në Arabinë Saudite është bërë viral së fundmi në rrjet. Megjithëse, sytë e të gjithëve ishin te Ronaldo, kësaj here është bërë protagoniste partnerja e tij Georgina Rodriguez.
Në ceremoninë e prezantimit, Ronaldo u intervistua nga prezantuesja e eventit madhështor që u mbajt, kur në një moment shihet teksa e shikon dhe shkrep një foto i buzëqeshur me të.
Mirëpo vëmendjen e ka rrëmbyer Georgina Rodriguez! Modelja u pa gjatë gjithë ceremonisë në siklet, veçanërisht në momentin kur Ronaldo po shikonte dhe po bënte foto me prezantuesen. Teksa ishte me fëmijët, Georgina i hedh një shikim ‘dyshues’, deri diku me inat, Ronaldos dhe kaq ka mjaftuar që kjo të përkthehet në një moment xhelozie nga ana e saj.
@bigh_pro Cristiano Ronaldo CR7 #cristianoronaldo #saudiarabia #explore #foryou #fyp #trending ♬ الصوت الأصلي – قَ
Ylli portugez së bashku me Georgina Rodriguez dhe fëmijët e tyre udhëtuan drejt Arabisë Saudite, e cila do të jetë “shtëpia” e tyre për më shumë se dy vitet e ardhshme.
Mirëpo kurioz jemi sa do të mundet Cristiano dhe bukuroshja argjentinase të përshtaten me ligjet strikte të vendit saudit. Kjo pasi që në fillim shfaqet problemi i parë nëse Georgina do të mundet apo jo të jetojë më partnerin e saj, pasi nuk janë të martuar?
Sipas ligjeve në vend, nuk lejohet bashkëjetesa midis dy personave të cilët nuk janë të martuar dhe Ronaldo me modelen nuk kanë vënë kurorë edhe pse kanë fëmijë bashkë.
Një situatë kjo për të cilën mendohet se është vënë në lëvizje klubi i “Al Nassr”, që ta zgjidhë këtë telash të pazakontë të yllit portugez dhe familjes së tij.
Më herët u përfol se Cristiano dhe Georgina nuk i kishin punët mirë me njëri-tjetrin. Shkak thuhet se u bë një video që u postua ditë më parë, ku modelja surprizoi partnerin e saj me një dhuratë, pikërisht një makinë “Rolls Royce”.
Thuhet se nuk u bë shkak dhurata, por kimia mes tyre që dukej e “shuar”. Disa raportime bënë me dije se ata janë bashkë vetëm për nevojat e kompanive reklamuese.
