Në epokën e mediave sociale, jo vetëm të famshmit mund të fitojnë para nga miliona ndjekësit ose postimet e tyre, por edhe kafshët e tyre shtëpiake mund ta bëjnë këtë.
Së fundmi faqja “All About Cats”, ka shpallur se cilat janë kafshët shtëpiake më të pasura në botë.
Mes tyre është edhe macja skoceze e Taylor Swift, e cila quhet Olivia Benson, pasuria neto e së cilës vlerësohet në 97 milionë dollarë. Shkurt, çdokush do të dëshironte të ishte sa kafsha shtëpiake e Taylor-it.
Mbi Olivia Benson është një mace tjetër, e njohur si Nala Cat, me vlerë rreth 100 milionë dollarë. Nala ka llogarinë e saj në Instagram, në të cilën shfaqet si ‘figurë publike’ dhe ka më shumë se 4.4 milionë ndjekës.
Vendin e parë e ka një qen i quajtur Gunther VI, i cili është në pronësi të kompanisë italiane të medias Gunther Corporation dhe mban titullin e kafshës shtëpiake më të pasur në botë me një vlerë neto të vlerësuar në 500 milionë dollarë.
Lista është bërë duke përdorur analitikën në Instagram dhe pagesën e mundshme të kafshës shtëpiake për postim në rrjetet sociale. Në vitin 2020, Sëift postoi një foto të Olivias e shtrirë në një divan, e cila mblodhi më shumë se 2 milionë pëlqime në faqen e saj në Instagram.
Swift i do kafshët shtëpiake dhe emri që ajo i ka vendosur maces është marrë nga personazhi i luajtur nga Mariska Hargitay në serialin Law & Order: Special Victims Unit. Macja është shfaqur në disa video muzikore të pronares së saj, si dhe në reklama, më e famshmja është ajo që ajo bëri për Diet Coke në 2014.
Pas Benson në listën e kafshëve shtëpiake më të pasura ishin qentë e Oprah Ëinfrey, Sadie, Sunny, Lauren, Layla dhe Luke me 30 milionë dollarë; macja e të ndjerit Karl Lagerfeld, Choupette, me 13 milionë dollarë; dhe qeni i aktores së ndjerë Betty Ëhite, Pontiac, me 5 milionë dollarë.
