Dizajnerja britanike dhe ikona e stilit Vivienne Westwood është ndarë nga jeta në moshën 81-vjeçare.
Westwood ndërroi jetë paqësisht në shtëpinë e saj në Londër të enjten, sipas një deklarate zyrtare nga kompania e saj me të njëjtin emër. Bashkëshorti i saj Andreas Kronthaler tha:
“Do të mbaj Vivienne në zemrën time. Ne kemi punuar deri në fund dhe ajo më ka dhënë shumë gjëra për të vazhduar. Faleminderit e dashur.”, shtoi bashkëshorti i saj.
Kompania e saj njoftoi vdekjen nëpërmjet një postimi në Instagram. “Vivienne vazhdoi të bënte gjërat që i donte, deri në momentin e fundit, duke dizajnuar, punuar në artin e saj, duke shkruar librin e saj dhe duke ndryshuar botën për mirë.”
Kur Vivienne Isabel Swire ishte 17 vjeç, ajo dhe familja e saj u transferuan në Londër nga qyteti Glossop në Derbyshire. Atje, vajza mori një arsim pedagogjik në Kolegjin Trent Park dhe studioi për një semestër në Shkollën e Artit Harrow. Gjatë studimeve të saj, Vivien krijoi një koleksion bizhuterish që u shitën në një kioskë lokale. Dizajnerja e ardhshme e egër, “mbretëresha e skandalit”, punoi për disa vite si mësuese e shkollës fillore.
Në vitin 1962, Vivienne Isabelle Swire u martua me pronarin e sallës së vallëzimit Derek Westwood. Vajza e qepi vetë fustanin e nusërisë. Biznesi i Derek shpejt falimentoi, gjë që shkaktoi varfëri dhe skandale të vazhdueshme. Tre vjet pas dasmës, familja u shpërtheu. Nga burri i saj i parë, Vivienne ka dy fëmijë: një vajzë, Rose, dhe një djalë, Benjamin. Pas divorcit ajo la mbiemrin e të shoqit, me të cilin më vonë u bë e famshme.
