Përveç se në fillim si e dashura, tani si ish-i i Kylian Mbappe, Ines Rau është përmendur në media edhe si transgjinore.
Pikërisht ky etiketim duket se nuk i shkon fare për qejfi modeles e cila ka folur për herë të parë publikisht.
Ndër të tjera ajo pohoi se e bezdis fakti që në çdo intervistë pyetet për orientimin e saj seksual.
“Më bezdis fakti që në të gjitha intervistat që bëj, me TV dhe radio, më pyesin për orientimin tim seksual dhe për mua që operohem dhe të bëhem transgjinore. Kjo ishte diçka që ndodhi në jetën time, një tranzicion, por operacioni nuk pasqyron se kush jam unë si person. Më bezdis pak që më shohin vetëm si trans”-tha ajo.
Kujtojmë që thashethemet rreth një romance të mundshme midis sulmuesit të PSG-së dhe Ines nisën në maj të këtij viti.
Dyshja u fotografuan në plazhin e Kanës ku Mbappe po mbante në krahë modelen. E pas një fotoje të tillë secili ka të drejtë të mendojë gjithçka.
Mirëpo duket se romanca e tyre nuk zgjati shumë. Më herët gjatë këtij muaji u raportua se Kylian Mbappe është larguar nga Ines Rau dhe tani po takohet me Stephanie Rose Bertram.
