Arkimed Lusha ose i njohur nga të gjithë ne si Stresi është kthyer në një nga protagonistët kryesor të “Big Brother Vip Kosova”. Teksa asnjërit nga ne nuk ia merrte mendja se ai do të behej pjesë e një formati të tillë, ja ku jemi sot me reperin i cili është kthyer në kryefjalë të mediave që pas hyrjes së tij në shtëpi.
Deklaratat dhe gjestet e Stresit janë bërë virale kudo, ndërsa së fundmi në lidhje më këto ka komentuar një ndër shokët e tij, Cllevio. Në një intervistë, personazhi i shumë komentuar në rrjetet sociale është shprehur se në disa momente Stresi nuk ka qenë vetvetja.
“Prisja më shumë. Më ka mërzitur me disa momente se nuk ka qenë vetvetja se ka qenë orari i gjumit, flet përqart ose bën gjeste me gojë. Ndonjëherë dua të distancohem, se më vjen turp. Nuk është ky që njoh unë.”
Përpos kësaj, Cllevio Serbiano ka deklaruar se shoku i tij nuk ndodhet në “BBVK” për famë por për lekët.
“Ai nuk është atje për famë as për të gjetur të dashur. Ai është atje se i duhen 200 mijë euro. Dhe duke iu dashur 200 mijë euro nuk di si të reagojë. I ka bërë keq që është futur. E them se është mërzitur. Ka dalë në meme. Po ja kalon dhe Donaldit të Borës. Se dhe ai një-dy qante.”
Në fund, Cllevio u shpreh se do ta mbështesë Stresin, teksa u shpreh i bindur se ai do të fitojë.
“Unë do të shkrijë pasurinë time që të bëj propagandë për Stresin. E fiton ai. Ka shoqërinë e fortë. Do ta mbështesim të gjithë. Do ta fitojë për ego, do të fitojë 200 mijë euro ai, 25 do t’i marr dhe unë.”
