Noizy është përballur me një incident gjatë koncertit të tij të fundit. Teksa po perfomonte në një koncert në Zvicër, ai është përplasur fizikisht me fansat.
Pasi disa video bënë xhiron e rrjetit dhe pamjet nga koncerti u shpërndanë menjëherë në rrjet, ka reaguar vetë reperi, i cili sqaroi situatën. Përmes një videone të shpërndarë nga vetë ai në Instastory, ai sqaron se personat me të cilët u konfliktua ua ishin sipas tij “thjeshtë disa njerëz të dehur që nuk kontrollonin dot pijen”.
Nga pamjet e koncertit, Noizy ishte duke performuar në skenë, kur papritur ka ndaluar performancën dhe ka shkuar për të goditur një nga personat e pranishëm në publik, duke e qëlluar me grusht.
Nuk dihet ende cili është zanafilla e sherrit dhe se cila ishte arsyeja që e bëri Noizy-n të shkëputej nga skena.
Pasi Noizy është larguar nga skena sherri ka vijuar, ku ai është parë i rrethuar nga sigurimi i tij, si dhe nga shokët të cilët kanë qëlluar në drejtim të disa djemve të tjerë të pranishëm në klub. Ndër të tjera reperi përmes postimeve në Instastory ka lajmëruar se koncertet e tjera të tij të planifikuara do të vijojnë normalisht. Mbetet për t’u parë nëse do të ketë të tjera reagime.
