Pas thashethemeve se ai po shijon një lidhje romantike me supermodelen Gigi Hadid, aktori Leonardo DiCaprio u fotografua nën shoqërinë e një modeleje tjetër.
Teksa të gjithë po prisnim një reagim nga ana e Gigi-t, duket se modelja as që e “ka vënë ujin në zjarr” për këtë çështje.
Burime pranë Hadid kanë deklaruar se ajo nuk shqetësohet për këtë pasi nuk ka pasur kurrë diçka serioze me aktorin.
Gigi Hadid është shumë më e fokusuar në rritjen e vajzës së saj sesa të merret me Leonardo DiCaprio-n.
Burimi më tej shtoi se: “Prioriteti i Gigi-t është vajza e saj”.
Modelja 27-vjeçare ka një vajzë 2-vjeçare me ish-partnerin e saj dhe ish-këngëtarin e One Direction, Zayn Malik.
Kujtojmë që lidhja me modelen Gigi Hadid shënoi herën e parë që fituesi i çmimit “Oscar” po niste një lidhje me një femër më të madhe se 25 vjeçe dhe hera e parë me të cilën ai është takuar me një grua që është nënë.
Ai dhe Hadid fillimisht ndezën thashethemet për lidhje në shtator, pasi u panë të merrnin pjesë në disa nga të njëjtat ngjarje.
Burimet i thanë Page Six në atë kohë se DiCaprio dhe Hadid po rrinin jashtë, por i bënin gjërat ngadalë ; megjithatë, më vonë atë muaj, ata u panë bashkë në një festë në Paris dhe morën pjesë në të njëjtën festë të Halloween në tetor.
Duke i mbajtur fansat në dyshime, Hadid ka munguar dukshëm në festën e ditëlindjes së DiCaprio-s në nëntor.
