Taylor Swift më në fund ia doli të fitonte një padi për të drejtën e autorit pas pesë vitesh.
Padia, e ngritur nga kantautorët Sean Hall dhe Nathan Butler në 2017, pretendonte se Swift vodhi tekstin nga kënga e vitit 2001 e 3LW “Playas Gon’ Play” për të shkruar hitin e saj “Shake It Off”.
Megjithatë, avokatët e këngëtares dhe të dy kantautorëve dorëzuan një kusht të përbashkët të hënën duke i kërkuar një gjykate në Kaliforni të heqë padinë, sipas dokumenteve gjyqësore të siguruara nga “Page Six”.
Gjykatësi i qarkut të SHBA-së, Michael Fitzgerald, e hodhi poshtë zyrtarisht padinë vetëm disa javë përpara se të fillonte gjyqi.
Fitorja për Swift vjen vetëm katër muaj pasi këngëtarja theu heshtjen e saj për këtë çështje, duke thënë se “nuk e kishte dëgjuar kurrë” këngën për të cilën u akuzua për plagjiaturë.
“Teksti i këngës “Shake It Off” është shkruar tërësisht nga unë”, pohoi këngëtarja në dokumentet e gjykatës, sipas Billboard”.
“Në shkrimin e teksteve, u bazova pjesërisht në përvojat e jetës sime dhe në veçanti, nga shqyrtimi i pandërprerë publik i jetës sime personale, raportimi i ‘klikimeve’, manipulimi publik dhe forma të tjera të kritikës personale negative.”
Ndërsa këngëtarja e “Bad Blood” u lirua nga kjo padi, ajo po përballet me një tjetër padi për të drejtën e autorit për një libër të publikuar në vitin 2019.
Në gusht, autorja Teresa La Dart e paditi Swift-in për më shumë se një milion dollarë duke pretenduar se ajo kopjoi librin e saj me poezi, “Lover”, për broshurën shoqëruese për albumin “Lover” të Swift.
Padia pretendonte se dikush në ekipin e Swift-it pa librin e La Dart dhe vendosi të përsëriste “vibin dhe dizajnin” e librit, si dhe skemën e ngjyrave rozë dhe blu.
Swift nuk ka folur publikisht për padinë e fundit.
