U eleminua natën e tretë të spektaklit “Dance Albania” për tu rikthyer sërish dhe për tu eleminuar sërish natën e 10-të. E di ngjan si një telenovelë, por besoj e kuptuat që po flasim për aktoren Arbnora Ademaj e cila mori një vëmendje të madhe në emisionin e kërcimit në “Klan”.
Pas eleminimit, ajo ka dhënë një intervistë për “Prive” ku ka zbuluar shumëçka nga prapaskenat e eksperiencës së saj në “Dance Albania”.
Në hyrje Arbnora foli për këtë rrugëtim të cilin e konsideroi si një eksperiencë të bukur, ku kishte shkuar për gjithçka veç për të garuar jo.
“Kam qenë pak e përkëdhelur prej stafit dhe prej të gjithëve në përgjithësi dhe e kam marrë si një eksperiencë shumë të bukur. Nuk e kam marrë patjetër me garu me u shty.”
Në këtë intervistë të saj, aktoria nuk hezitoi t’i jepte një përgjigje edhe Arta Nitajt, konkurrentes e cila u eleminua para saj, e cila po në një intervistë për “Prive-n” e konsideroi aspak të drejtë vendimin e eleminimit të saj aso kohe, duke u shprehur se nuk iu dha një shanc i dytë si Arbnorës.
“Nuk është faji i mi. Përgjigjen duhet t’ia japë produksioni. Dashuria e publikut e tregon më mirë këtë pjesë. Atë vlerësim që ta jep publiku nuk mundet me ta dhënë asnjë vlerësim i jurisë, asnjë produksion. Unë mendoj se pjesa më e madhe ka qenë publiku, ai që më ka mbështetur dhe po më është dhënë hapsira.
Njerëzit shikohen edhe në bazë të karrierës, atyre çfarë kemi arritur në jetë. Të tjerët kanë kohë me u përmbushë në karrierën e tyre dhe me arritë në nivelin me u vlerësuar dhe me u pa si një person i rëndësishëm në çdo spektakël.”
Bujë të madhe gjatë rrugëtimit të saj në “Dance Albania” bëri edhe “sherri” me Melisa Lleshin. Gjithçka nisi pas një komenti që Arbnora bëri ku u shpreh se ish-konkurrentja e “Për’puthen” nuk e meritonte të kishte arritur deri aty.
“Me Melisën më shumë e ka keqkuptuar. Melisa është një vajzë shumë e mirë, është një mike e imja. Vazhdoj me qenë mike. Por, ka ndodhur një keqkuptim dhe i kemi kaluar,”-përfundoi Arbnora Ademaj.
