As atyre vetë nuk do t’jua merrte mendja se do të ishin në këtë situatë sot pas 11 muajsh.
Po flasim për çiftin e formuar në “Big Brother Vip” Einxhel Shkira dhe Arbër Gumnishta. Dyshja sot bëjnë 11 muaj që nga njohja e tyre dhe për pak do të sjellin në jetë edhe fëmijën e tyre të parë.
Në këtë ditë të veçantë për dyshen nuk mungoi një urim i ëmbël nga moderatorja.
Në një postim në Instagram, Einxhel i ka dedikuar fjalët më të ëmbla kësaj date të rëndësishme për të dhe Dj Dagz.
“Dashuria nuk ka nevojë për kohë….thjesht ndodh dhe dëshiron të jetë për gjithë jetën! Kështu ajo i tha “PO” një jetë plot dashuri dhe lumturi #11 muaj ”, shkruan Einxhel Shkira.
Më herët gjatë Babyshower-it të saj, Dj Dagz i propozoi për martesë nënës së djalit të tij.
Ish-banori i BBV kishte zgjedhur pikërisht këtë ditë të veçantë për t’i propozuar moderatores, e cila tha “PO.”
Kujtojmë që moderatorja dhe Dj Dagz u njohën në reality-show-n, “Big Brother Vip”.
Që nga ai moment ata janë bashkë, madje së shpejti do të bëhen prindër të një djali. Ndonëse Einxhel bëri të pamundurën ta mbante të fshehtë shtatzëninë, ajo u zbulua duke u përfolur goxha në rrjet.
