Reperi i njohur shqiptar, Gashi numëron një sërë hitesh e miliona klikime në këngët e tij. Mirëpo, së fundmi ai ka bërë një zotim, ku në rrjete sociale ka shkruar: “Nëse Zvicra humb ndeshjen sot…jo vetëm që do të qaj por të shtunën do të jetë koncerti im i fundit në Zvicër përgjithmonë.”
Jo vetëm kaq por Gashi është përballur edhe me disa komente negative.
Disa persona i kanë shkruar se “shpresoj që të humbë në mënyrë që të mos shkojë më atje për të kënduar”.
Por menjëherë, Gashi ka bërë një replikë ku shkruan se në SHBA merr më shumë fitime se sa në Zvicër. Jo vetëm kaq por reperi theksoi se me paratë që merr në Zvicër mund të blejë vetë dy xhaketa Prada por ai dëshiron të performojë në atë shtet për hir të fansave të tij.
Reperi me origjinë shqiptare e ka përqëndruar jetën dhe karrierën e tij jashtë vendit, duke u bërë një ndër emrat më të njohur shqiptarë në Shtetet e Bashkuara të Amerikës. Ai numëron disa hite ndërkombëtare si “Creep on me” apo “That’s mine”.
Edhe pse i larguar prej vitesh, ai nuk harron të përmendë origjinën e tij dhe këtë na e ka treguar disa herë në rrjetet sociale.
“Kur shkon lart, sigurohu mos të biesh më poshtë.”- janë fjalët në këngën e tij “Gasoline”.
