Moderatorja e njohur Dojna Mema dhe partneri i saj, këngëtari Vlashent Sata janë prindër të djalit të tyre Nolan Sol dhe shpesh postojnë foto të të voglit të tyre. Mirëpo, së fundmi, Dojna na ka zbuluar se ajo nuk i ka punët mirë me gatimin.
Më saktë, na ka treguar se di të gatuajë vetëm makarona e asgjë tjetër.
“E vetmja gjë që di të gatuaj, por pa modesti e qaj”, shkruan ajo.
Moderatorja, gjatë një interviste, ka zbuluar më herët se e ka pasur kompleks në fillim lindjen përmes rrugës çezariane (me operacion), por sot u shpreh e lumtur për zgjedhjen e saj.
“Kompleks kam pasur faktin që linda me çezarian (operacion) dhe jo me lindje natyrale. Kjo ka qenë pjesa më e komplikuar që unë e kam vuajtur shumë. Për fat kisha Vlashentin afër. Deri në momentin e fundit kam shkuar në spital me idenë që do lindja vetë. Kisha panik, as nuk e kisha menduar fare momentin e lindjes dhe kur erdhi…nuk isha vërtetë gati. Por të kisha pasur një ndjekje graduale, ndoshta mund ta kisha përballuar por tani jam e lumtur për zgjedhjen e bërë. Shtatzëninë e kam pasur shumë te lehtë, e kam përjetuar shumë mirë. Kam lindur në javën e 41 se fëmija ishte pak ‘përtac’. E mira që të gjitha gratë të ndjekin një regjim të mos konsumojnë gjëra të dëmshme, pavarësisht se unë kam ngrënë pica”- tha Dojna.
