Tashmë janë gjetur të tjera shkelje në institucionet publike, konkretisht për afatin kohor nga janari e deri në muajin shtator. Këto shkelje të mëdha kanë shkaktuar një dëm në ekonominë e Shqipërisë.
Sa është dëmi? Gati 1 miliardë euro.
Në total, për periudhën janar-shtator 2022, në përfundim të 120 auditimeve të kryera, KLSH ka dhënë opinione për 97 prej tyre dhe gjatë nëntë mujorit të vitit 2022 ka përcjellë në Prokurori 1 kallëzim penal
Në publikimin e fundit rezulton që ky dëm për të dy zërat të jetë 122 miliardë lekë (mbi 1 miliardë euro), 38% e të cilës vjen nga të ardhurat dhe shpenzimet.
Pjesa tjetër nga shkelje të disiplinës financiare me ndikim negativ në performancën e administrimit të të ardhurave.
KLSH thekson se “në përfundim të auditimeve të kryera përgjatë periudhës janar – shtator 2022 ka zbuluar parregullsi dhe shkelje financiare me pasojë dëm ekonomik në të ardhura dhe shpenzime në shumën totale prej 47 miliardë lekë. Në këtë dëm peshën kryesore të dëmit e mbajnë tatim-taksat me 45 miliardë lekë, doganat 846 milionë lekë, dhe ato të fushës së shitjes-blerjes dhe dhënies me qira të pasurisë shtetërore 421 milionë lekë”.
Gjithashtu, bëhen me dije se janë bërë edhe disa shkelje të disiplinës financiare.
“Nga këto 21,007,564 mijë lekë në fushën e të ardhurave, ku veçojmë vlerën prej 10,182,517 mijë lekë (ose rreth 48% e totalit) e konstatuar në ALBPETROL sha, në fushën e shitjes, blerjes dhe dhënies me qira të pasurisë shtetërore; si dhe 53,089,493 mijë lekë në fushën e shpenzimeve të kryera jo me eficiencë, efektivitet dhe ekonomicitet të fondeve,” thuhet në publikimin e KLSH.
