“Iconstyle.al”, raportoi vetëm disa ditë më parë ekskluzivisht se në poltronin e opinionistes së “Big Brother Vip Kosova”, së bashku me Olti Currin, do të ulet edhe ish-miss Kosova, Afërdita Paqarada.
Dhe lajmi është konfirmuar edhe nga vetë faqja zyrtare në rrjetet sociale e emisionit.
Në një postim në Instagram, “Big Brother Vip Kosova”, konfirmon se Afërdita Paqarada do të jetë opinionistja e dytë e reality-showt.
View this post on Instagram
“Big Brother Vip Kosova” ka bërë tashmë të ditur edhe datën e fillimit të edicionit të tij të parë. 5 DHJETOR-i – është data kur do të nisë reality-shoë i shumëpritur. Tjetër informacion që dihet tashmë është edhe është se programi do të moderohet nga Alaudin Hamiti dhe Jonida Vokshi.
Disa kohë më parë u konfirmua se ajo që e mbante peng “BBVK” të fillonte ishte shtëpia, punimet e së cilës akoma nuk kishin përfunduar.
E ftuar në një intervistë moderatorja Jonida Vokshi u shpreh se shtëpia e “Big Brother Vip Kosova” është drejt fundit, ka mbetur vetëm të vendoset data e nisjes së transmetimit. Organizatorët edhe atë e vendosën dhe do jetë pikërisht e hëna e parë e muajit dhjetor.
Moderatori i “Big Brother Vip Kosova” ka zbuluar disa kohë më parë edhe disa detaje të tjera nga spektakli i shumëpritur
Ai foli për tekat e VIP-ave dhe bashkëprezantuesen e tij Jonida Vokshin.
Alaudini shprehu se ka pasur shumë kërkesa nga konkurrentët që do të marrin pjesë në “Big Brother Vip Kosova”, mes të cilave veçon:
“Kemi patur pyetje të shumta të cilat ende vazhdojnë në këtë moment kur po e bëjmë këtë intervistë. Kërkesa të çuditshme nuk e di nëse mund të quhen, por kanë kërkuar të ketë piano në shtëpi, xhakuzi dhe palestër ndër të tjera”
