Reperi i njohur, Gjiko ka qenë së fundmi i ftuar në emisionin “N’majë t’gjuhës”. Ai ka rrëfyer shumë momente nga jeta e tij private dhe profesionale.
Jo vetëm kaq por reperi u ndal edhe tek një dëshirë e tij.
Ai tha se ka shumë qejf që të udhëtojë nëpër botë pas disa vitesh.
“Kam qef me lundru krejt botën. Mendoj që diku pas moshës 45-50 vjeçare me lundru gjithë botën për rreth 1 vit. Mendoj që është një sfidë.”- tha reperi
“Dëshirat nuk duhet me i shpreh shumë sepse pastaj është e mundur që të ngopesh veç me euforinë që e the atë dëshirë. Kështu që duhet me u fokusu brenda vetes dhe kur të vijë koha ta realizosh”, vijoi më tej ai.
Më herët, gjatë një interviste, Gjiko ka sqaruar njëherë e mirë se si qëndron e gjithë e vërteta mbi akuzat e hedhura ndaj tij. Ai u shpreh se sipas ligjeve nëse videoja ku ai dhunonte një të mitur do të ekzistonte ai nuk do të ishte i lirë por brenda në burg.
“Gjendja emocionale ka qenë shumë e rëndë për mua, edhe pse mundohem të jem sa i fortë psikologjikisht. Kur lexon në një gazetë që thotë ekziston një video dëshmi që Gjiko e ka bërë këtë krim… nuk e di si mund ta besojnë njerëzit, kur shteti po ta ketë atë provë, të fut në burg.
Si mundet një portal të japë moshë, të thotë që ekziston video, dhe shumë gjëra të tjera. Unë e di që nuk ka shkuar asnjë person për mua në polici dhe të thotë që ky më ka përdhunuar.
Nëse ekziston një njeri që një herë në jetë, jo vetëm për këtë, por dhe për diçka më të lehtë, sikur t’ia kem prishur qejfin njëherë, të dalë lirshëm në televizor dhe ta thotë.
Do të doja të flisja më shumë, por me sa kam folur me avokatët, këto që po themi këtu, do të shkruhen në portale dhe mund të shtrembërohen. Le ta dinë të gjithë që herët apo vonë, e vërtetë ka për të dalë. Herët apo vonë, ata që kanë dashur të më njollosin, do të dalin para gjyqit. Edhe ata persona të njohur, që kanë ndikim dhe kanë shkruar në rrjete sociale diçka që nuk është e vërtetë do të mbajnë përgjegjësi”, u shpreh Gjiko.
